Carpachio og Bateman

The end of an era

2007-03-17T09:36:00.000-07:00

Jæja þá er víst komið að því. Leiðir eru að skilja hjá okkur Geira. Hann heldur nú ótrauður heim til Móðurlandsins þar sem hann hyggst innleiða nýja siði í byggingariðnaðinum....

Það má með sanni segja að það verði viðbrigði að missa Geira héðan úr Seattle. Nú erum við búnir að ganga saman í gegnum súrt og sætt í meira en eitt og hálft ár. Við erum búnir að búa saman, vera saman í bekk og gera nánast alla hluti saman.
Það hefur líka verið ótrúlegt að fylgjast með drengnum hreinlega springa út. Aldrei hefði mig órað fyrir því að þessi óharðnaði unglingur sem lagði af stað með mér til Seattle fyrir rúmu einu og hálfu ári síðan ætti eftir að þroskast svona mikið. Auðvitað hefur hann hlotið frábæra leiðsögn frá mér, en það verður samt ekki horft fram hjá því að þessar ótrúlegu framfarir eru einnig að einhverju leiti honum sjálfum að þakka. Auðvitað hefur hann misstigið sig á leiðinni, eins og þegar hann lék í Dressman auglýsingunni:

En þegar slíkt gerist þá skiptir máli að dæma ekki heldur benda vingjarnlega á mistökin og ræða síðan á jafnréttisgrundvelli hvers vegna þetta var rangt.
Eða þegar hann festi næstum hausinn í rörinu...

En síðan fór þetta nú allt að ganga betur og maður hætti að hafa áhyggjur og sá að strákurinn var alveg að spjara sig upp á eigin spýtur.
Dagurinn þegar hann fór síðan á fyrsta stefnumótið, með stelpu sem hann kynntist á Internetinu, verður dagur sem ég mun seint gleyma, eftirvæntingin og stoltið sem hreinlega skein af stráknum var engu líkt.

Þetta gekk allt saman vel og hafa stefnumótin verið fjölmörg eftir þetta.

Það má jafnvel ganga svo langt að segja að Geiri sé orðinn einn eftirsóttasti piparsveinninn hér austan I-5 hraðbrautarinnar. Hann skilur eftir sig kramin stúlknahjörtu hvar sem hann fer og það hefur verið hreinlega með ólíkindum að fylgjast með örvæntingu og depurð aðdáendahópsins núna eftir að hann tilkynnti brottför frá Seattle. Annað eins hefur ekki sést síðan drengjakvartetinn BoyZone tilkynnti að hann væri að hætta.
Það hefur því ekki reynst auðvelt að fá tíma hjá Geira þessa síðustu daga, slíkan munað þarf að bóka með a.m.k. nokkurra daga fyrirvara.
Það er því ljóst að það verður stórt skarð hér í Seattle þegar Geiri fer og af honum mikill missir.
Það er samt alltaf gott að vita að þegar maður horfir upp í himininn og sér stjörnurnar þá eru það sömu stjörnur og skína á Geira í Glaðheimunum.

Langt yfir skammt

2007-02-05T08:48:00.000-08:00

Jæja, ákvað sí sona að skreppa yfir hafið, enda kominn tími til að endurheimta fótakuldann, að ég hélt króníska, áður en mér varð fótasleppt af skerinu fyrst. Eins var maður farinn að sakna þess að berjast við að ná hreinlega andanum yfir vetratímann, vegna stíflaðra öndunarfæra. Já, allt var þetta nú endurheimt og að þessu sinni með hjálp loftræstikerfis flugleiða, ásamt að sjálfssögðu hinu alí-slenska suddaveðri sem við frónverjar erum stoltir af að sitja einir að og fáir, ja að undanskildum íbúum Síberíu kannski, sem eru ekki nema um þrír íbúar á ferkílómeter.

En ég náði þó að komast eftir miklar hrakningar, ísilagða vegi, framrúðuslabb, og vegahindranir hinar ýmsu upp að Versölum í Kóparvogi, en þar var það hún litla frænka mín, Thelma Lind sem hélt uppi heiðri fjölskyldunnar, þegar hún tók sig til og vann, í samanlögðu, opna fimleikamót Gerplu. Það var hvetjandi að verða vitni af því þar, að með mínum ákafa og ástundum í jóganum, þá á ég ekki nema nokkur ár í að ná framkvæma hluta af þessum æfingum, ef ég verð þá ekki þegar búinn að eyðileggja eitthvað í ferlinu, sem er þó líklegra.....

Jæja, hérna er hluti að æfingunni hennar, gólfæfingar.... sem ég náði að festa á filmu....... Til hamingju frænka.....

Annars erum við óli kampa-víns-kátir, og erum enn að fagna próflokum......
Ef vel er að gáð, þá er ekki loku fyrir það skotið að hamingjan sé á næsta leyti.... annars erum við of uppteknir við að kíkja fyrir horn.

Kátir voru karlar......

Ísland og fleira

2006-12-21T15:12:00.000-08:00

Jæja þá er maður kominn á skerið eftir langt og strangt ferðalag. Þetta er nú ekki það skemmtilegasta sem maður gerir, að ferðast milli Íslands og Seattle, en það er nú samt svo sannarlega þess virði til að fá að hitta sína frábæru vini og fjölskyldu.
Annars er það helst að frétta að nýlega lauk maður þeim stóra áfanga að klára síðustu prófin í UW. Það er gaman að segja frá því að þrátt fyrir nett stress sem fylgir því vitanlega að vera á síðustu metrunum í svona námi, þá gekk þetta rosalega vel og er maður bara alveg í skýjunum með þetta allt saman. Næstu dagar munu því sjálfsagt fara í það að fagna þessu á viðeigandi hátt, gera síðan stutt stopp til að fagna jólunum og halda síðan fagnaðarlátunum áfram eitthvað inn í nýja árið.
Þar sem ég kann svo vel við mig í Seattle þá gat ég ekki hugsað mér að yfirgefa þann frábæra stað alveg strax og ákvað því að lengja dvölina aðeins. Það varð því úr, að um það leiti sem fagnaðarlátunum lýkur í janúar mun ég byrja að vinna hjá KPFF. Það leggst gríðarlega vel í mig, enda um mjög virta stofu að ræða og eftir því sem ég kemst næst skemmtilegan vinnustað. Þetta verður örugglega frekar strembið svona í byrjun og því gott að vita til þess að það er annar Íslendingur (Kári) að vinna þarna. Reyndar var útlit fyrir það á tímabili að við yrðum þarna þrír Íslendingar að vinna, en því miður fékk þriðji Íslendingurinn ekki vinnuna.
Af Geira er það síðan helst að frétta að hann er að verða einn heitasti piparsveinninn í Seattle síðan Tom Hanks í "Sleepless in Seattle" var og hét. Hvar endar þetta? spyr maður bara. Við erum síðan búnir að festa íbúðina okkar áfram, þannig að það má búast við því að ævintýrum okkar sé hvergi nærri lokið og líkast til rétt að byrja...

Óska að lokum öllum sem þetta kynnu að lesa gleðilegra jóla!

last day of school... vavavívavúúúva.....

2006-12-07T22:08:00.000-08:00

tekið á síðustu mín rétt í þessu... en þá lauk síðasta tíma okkar
hérna í skólanum......já, menn eru léttir á því þessa stundina...

Óli úrvinda, en kátur... að vanda.....

og ég heyri óla hrópa hérna..... "pabbi, til hamingju með afmælið"

lifið heil.....já, sannarlega kominn jólaandi í húsið,
enda jólaboð á morgun, og með því......

Some days are better than others

2006-11-29T11:40:00.000-08:00

Some girls are bigger than others,
some girls are bigger than others,
some girls mothers
are bigger than other girls mothers.

Ef þú telur þig hafa skilið þennan póst, þá þarft þú sennilega að leita þér aðstoðar.

Fyrir sjb og Bibba marmelaði

2006-11-25T12:15:00.000-08:00

http://dagskra.ruv.is/streaming/sjonvarpid/?file=4301649/5

Thanksgiving

2006-11-22T16:27:00.000-08:00

Á morgun fögnum við Thanksgiving hér í US of A. Í tilefni af því set ég hér myndir frá Thanksgiving 2005 sem var haldið svo eftirminnilega í Radfordinu í fyrra.

Þetta er 5 mínútum áður en boðið byrjaði. Á myndinni má sjá Geira að hafa sig til.

Hérna erum við nýmættir í boðið. Af myndinni að dæma hefði Geiri alveg verið til í að fá meiri tíma til að hafa sig til.

G11 rett adur en hann fekk skegg

2006-11-18T20:24:00.000-08:00

Modir G11 sendi mer tetta myndband af honum sem var tekid stuttu eftir ad honum var sleppt ur hitakassanum.

Seattle; sækjum það heim

2006-11-17T19:38:00.000-08:00

Góðan og blessaðan...
Góður vinur sækir nú að, en í þessum skrifuðu orðum er hann Blöndal ráfandi ruglaður á Minneapolis flugvelli, og næsta stopp er Las Vegas.... Þaðan kemst hann vonandi klakklaust til Seattle.

Það er gaman að segja frá því að vinátta okkar nær yfir aldarfjórðung, já og rúmlega það. Sannarlega tilhlökkunarefni að fá vin sinn í heimsókn, geta deilt með honum hvernig lífið er hérna í ameríkunni.

Þessi lífsins gangur er sannarlega þess virði, sérstaklega þegar maður getur notið þess með góðum vinum.

Annars bara velkominn til USA......

- Ásgeir best.....

"May the force be with you"

2006-11-03T00:37:00.000-08:00

Overcoming a hurdle is an accomplishment, and somewhat a nice step in a right direction. Standing in front of it again is a stagnation of personal growth. But laying down the weapons at that time is a unforgivable defeat.

Life is a mystery, and foolish not to go for the ride with confidence and believe that the hurdle will eventually disappear. In right time it will. And when that happens, you will have faith by experience, but don´t have to have to trust on somebody else´s faith. That truly is amazing experience.

Life is full of surprises, and the right attitude, and acceptance is all needed to look life right in the eyes and enjoy the ride wherever it takes you. All you have to do is realize that you are not in charge, and not responsible for anything but your own actions. You do the best you can, that´s it........

Life surely is amazing.

Sumar í Seattle 2006

2006-10-24T10:44:00.000-07:00

Nú er frost á fróni, frís í æðum blóð, kveður kuldahljóð,
kári jötu móð......ja, svona er þetta lag nú í minningunni...

Það er gott að vera kominn í rútínuna góðu og síðasta hamarshöggið
að koma aftur til bloggheima, já, spurning hvort einhver sé heima.

Það er óhætt að segja að sumarið, sem virðist nú vera að teygja anga
sína all langt inn í árið hérna í útlandinu, hafi verið með fróðlegra móti
svo ekki sé minna í pokann lagt.

Sem dæmi má nefna að Óli fór einu sinni í klippingu á þessum sólríku sumarmánuðum,
og fór jafnvel svo langt að eiga eitt stykki afmæli, góðan og blessaðan daginn.
Óli lét ekki staðar numið þar, heldur náði hann á þessum tíma að ganga rúmar 72 mílur á meðan hann talaði í símann, enda varð vinstri deltoidi óla þess valdandi að hann náði aðeins lit á öðrum vanganum. en það er einmitt vanginn sem snýr að öllum myndum af honum, sem fylgja nú á blogginu hér til hliðar, undir nafninu "summer in seattle 2006".

Annars göngum við óli glaðir til haustsins, og sitjum sáttir við okkar keip, inn í nýju íbúðinni og njótum útsýnis sem aldrei fyrr. Skólinn fer vel af stað, og hver dagur sem draumi líkastur.

Næsta mál á dagskrá hjá okkur óla, er að kaupa vogarskál. Fyrir hugsuði eins og okkur er það nauðsynlegur hlutur á heimilið, þar sem margt er í þessum heimi sem þarf að vega og meta.

Jæja farið ykkur hægt um gleðinnar dyr, eða þú þarna sem slysaðist inn á síðuna okkar um daginn, ja ef þú slysast inn aftur...., eða eins og óli hafði svo skemmtilega á orði: "farðu jafnvel ekkert inn um þær dyr", en það var þó í gríni, og vill óli hag flestra sem mestan, enda þegar hann nú grípur í símann þá sestan.

Je minn, hvað það er gaman að vera til.....

Skandinavíuför

2006-10-13T09:56:00.000-07:00

Nýkominn úr mikilli menningarreisu. Meðal annars voru sóttir heim óðalsbændurnir Bibbi Marmelaði og G11. Þeir tóku á móti gestum af svo mikilli rausn að fáheyrt þykir í gervöllu Svíaríki. Vel var gert í mat og drykk, maturinn kryddaður með jurtum úr garðinum og eplabaka með eplum úr garðinum borin fram. Vegna sérvisku eins gestsins var meira að segja boðið upp á Duleys karamellulíkjör. Gaman var að sjá bros gestsins læðast á beyglaðan munn hans þegar hann læddi vænum slurk af líkjörnum í morgunkaffið.
Óhætt er að segja að ferðin hafi heppnast vel og vil ég hér með þakka kærlega fyrir mig.

Frá vinstri: sjb, G11, ohb, Helgi hesta og sela, og Bibbi Marmelaði á fljúgandi sving

Partý á Saxe síðasta laugardag

2006-10-03T20:51:00.000-07:00

Hver með sínu nefi...

Kominn aftur

2006-09-29T11:25:00.000-07:00

Jaeja ta er madur maettur aftur til USA eftir frabaert fri. Tolvan er i einhverju fokki svo tetta er bara skrifad nidri i skola. Bidst afsokunar. Vid erum fluttir i nyja ibud sem er mun betri en su fyrri. Stadsetningin er god og ibudin flott. Mjog gott. Annars er skolinn ad byrja med tilheyrandi hressleika. Her a bae hafa menn samt ekki miklar ahyggjur af tvi og sla ekkert af i aevintyrunum. Sambylingurinn akvad ad skella ser aftur til fortidar og er nu a leidinni i fjallaskala skammt fra Fargo tar sem hann hyggst eyda helginni i godum felagsskap....
Eg er sidan a leidinni til Danmerkur og Svitjodar i naestu viku og geri eg rad fyrir ad tar verdi mer tekid sem tjodhofdingja. Hlakka til.
Hef tetta ekki lengra ad sinni, goda helgi.

Láta sig vaða

2006-08-23T13:20:00.000-07:00

Jæja þá er komið að því. Ferðalagið mikla framundan.
Fyrst Minneapolis, þar sem þrifin verða upp óhreinindi síðustu ára. Þegar ég hef lokið við teppalagningu, þá kemur óli á sandölunum. Ég mun þó hafa hoover ryksuguna við hendina til að fjarlæga sandinn frá Hawaii ferðinni hans og Charlotte...

Síðan komum við Óli heim að morgni þann 5. September. Við höfum komist
til sátta með það að hafa móttökur mildar að þessu sinni, þar sem viðbúnaður
er mikill á Keflavíkurflugvelli þessa dagana. ÓTRÚLEGT að þeir séu búnir að banna kúlusúkk.... Ekki laust við að maður taki þessu persónulega.

Við endum síðan með að þiggja boð til New York þann 21. sept.

Já, ævintýrin gerast enn, og það er gaman að vera þáttakandi, og það að þessu sinni í rauntíma.

Smellti mér í smá rafting um daginn, og þá var þessi klausa ekki of oft kveðin.

Klappstýrurnar fylgjast með af aðdáum

Hafið það sem allra allra best, það er lang skemmtilegast þannig. - það er bara svoleiðis.

það sem stendur upp úr...

2006-08-18T16:21:00.000-07:00

Jæja er að prufa að setja inn hljóð, þar sem videófællinn er of stór. Þetta session með pearl jam, er beint af tónleikunum, og var eitt það allra besta sem kom frá þeim þann daginn....þeir byrja á að taka Wasted Reprice, lag af nýju plötunni. Lag sem eddie Vedder samdi eftir að hafa verið viðstaddur jarðaför hjá góðvini sínum Johnny Ramone... Síðan fara þeir aftur í tíman, og taka lagið Better Man, af plötunni Vitology. Lag sem Eddie vill meina að sé um aumingjan sem giftist móður hans. 17 ára gamall komst Eddie af því að þessi "aumingi" væri í raun ekki alvöru faðir hans, en faðir hans hafði dáið áður en eddie fæddist.
Svo endar þetta með laginu Save it for later, lag sem þeir félagar taka örsjaldan.

powered by ODEO

16. Ágúst 2006

2006-08-17T02:42:00.000-07:00

Lokum þrenningunni:

Hann á afmæli í dag
Hann á afmæli í dag
Hann á afmæli, hann óli...
Hann á afmæli í dag.

Skemmtilegt er að geta þess að á sama degi og Ólafur ákvað að nú væri mál til komið að keyra í gegn breytingar á Íslandi, ákvað Eddie nokkur Gill einnig að heiðra nærstadda í Colorado með nærveru sinni. En hann spilar einmitt með Indiana Pacers. Þvílík er nú sú tilviljun. Má nú engan undra að maður spyrji sig, "hvað kemur næst".

Þótt ótrúlegt sé, þá höfðu máttarvöldin orku í að framleiða þessa atburði á einum og sama deginum eða þann 16. Ágúst 1978. Ekki nóg með það, heldur segir sagan að Ólafur Hrafnkell Baldursson hafi komið í heiminn íklæddur Charles Bronson náttfötum.

Nú jafnoki febrúarmánaðar í hlaupaári, má leiða líkum að hann sé farið að vanta ný náttföt.

Hann lengi lifi, húrra húrra húrra......

ps. glöggir lesendur eru hvattir til að nýta sér þær vísbendingar sem í boði
eru hér á vef nordheim-ara óspart, ef hugmyndaleysi hrjáir þá í
afmælisgjafarkaupum)

Tónleikaþerapía

2006-08-13T22:41:00.000-07:00

Jæja, kominn tími á að henda inn myndböndum af téðum tónleikum...
Einnig eru komnar myndir af herlegheitunum, hér á hægri hönd.....
Ég er að vísu enn að melta þessa tónleika, þar sem maður náði að upplifa ótrúlega hluti meðan maður sveif í gegnum hvert stórlagið á fætur öðru....

Gaman að sjá hvernig gömlu refirnir hafa siglt gegnum hvern storminn á fætur öðrum, en í stað þess að leggjast undir feld, jafnvel moldu, standa þeir sigurreifir upp úr ösku grunge tímabilsins, með ansi hreint magnaðari plötu, sem ber nafn með rentu.....

Ég vil því nota tækifærið og óska pj aðdáendum nær og fjær hjartanlega til hamingju með vel heppnaðan diskling.... skál fyrir því....

Talandi um skál, í laginu Crazy Mary, þá rétti vedderinn rauðvínsflösku út í salinn og bað fólk um að súpa, og láta hana ganga.... ja, eins og segir í laginu.... Flaskan gekk, og gekk mér í greipar.... skemmtilegt nokk....Á sekúndubroti var ekkert sjálfsagðara en að taka slurk, vera með, einn að hinum....ef maður ætlar á annað borð að endurtaka leikinn, þá hefði ég ekki getað ímyndað mér betri aðstæður til þess.... réttur staður, rétt stund...En í þetta skiptið var þetta ekki réttur maður. Flaskan stoppaði stutt við, enda krafturinn í flöskunni ekki samanburðarhæfur þeim sem ég nú fæ að dreypa á....

It´s ok segir Vedderinn, lýðurinn er samhljóma

Lag eftir The Who, Teenage Wasteland

Það var gaman í Vegas

2006-08-08T23:17:00.000-07:00

The Gorge 2006

2006-07-26T12:45:00.000-07:00

Meistari Vedder

Vægast sagt eftirminnileg helgi að baki. Tveir tónleikar með Pearl Jam í 45 stiga hita, ótrúlegt að maður hafi komist heill til baka.

Ekki erfitt að komast í draumkennt ástand á þessum slóðum

Til að róa taugarnar, þá erum við óli á leiðinni til Las, fucking, vegas, í þessum töluðu orðum, í 4 daga, þannig að tónleikasagan bíður betri tíma.

Hérna er þó sýnishorn af gleðinni....

PEARL JAM - tónleikar þann 23.júlí 2006

2006-07-16T23:59:00.000-07:00

Hróaskelda, 30 júní, árið 2000.... eins og gerst hafi í gær (fyrir utan að ég er ekki þunnur í dag)

Loksins loksins, á leið til Mekka, þó ekki til að lúta höfði á stein (ágætur steinn svo sem), heldur til að bera augum samferðarmenn okkar í blíðu og sérstaklega, stríðu, þá höfðingja sem skipa hljómsveitina Pearl Jam. Leiðin liggur á flugvöllinn í köben, þar sem tekin er lest til Roskilde. Áfengi, Pearl Jam, og órjúfanleg
vín-abönd; páfinn, búdda, ja, og séra ólafur blessaður hefðu ekki getað soðið betri hamingju-kokteil.....

Frá því að ég man eftir mér með áfengi við hönd, þá hafa lög þeirra ekki verið langt undan. Fyrsta platan, Ten, kemur út árið 1991, og fer að hljóma í okkar eyru stuttu síðar og suðar enn..
Minningar og lögin þeirra eru órjúfanlegur samtvinnaður partur af æsku okkar og uppeldi. Plöturnar þeirra hafa fylgt okkur eftir alla tíð, og aldrei þreytumst við á að hreykja okkur af hæfileikum þeirra, jamm sem og okkar. Áður en þriðja glasi er slúttað, þá eru lög eins og Nothing Man, Release, og Black farinn að leika um herbergið....úff...djöfulsins snilld....

Oft þarf ekki flókna hluti til að halda manni gangandi, koma manni í breytt ástand. gegnum daginn, losna undan amstri hversdagsleikans. Pearl Jam gerðu það fyrir okkur...og rúmlega það... þetta varð okkar afdrep í mjög mjög langan tíma...Vá..eiginlega bara ótrúlega langan tíma...uss...

Allir höfum við farið í sitthvora áttina vinirnir og allir höfum við mótað okkar eigin lífsýn, en hvað vini okkar í pearl jam varðar, þá syngjum við sem einn, þó það hljómi kannski ekki alltaf þannig í eyrum nærstaddra. Í augum okkar kemst enginn nálægt þeim félögum, og skal engan undra: þeir eru á stalli og steyptir þar, ósnertanlegir og ást okkar til þeirra er án allra skuldbindinga.........

halló akureyri... gangandi niður í bæ, syngjandi og kennandi hvorir öðrum textana, "jeremy"
á nettum bömmerum eftir bæinn, sest inn í bíl, "elderly women behind a counter in a small Town"
kveðjandi fyrstu ástina sína, grenjandi, "better man"
öskrandi stemmning í bílnum á leiðinni í bæinn, porch"
roskilde tónleikar, 8 látnir, "alive"
útilega, flestir sofnaðir, gítarinn á loft, tvíraddað "off he goes"

Dead Man Walking, Of The Girl, Go, World Wide Suicide, Save You, Severed Hand, Corduroy, Given To Fly, Unemployable, Sad, Gone, Not For You/(Modern Girl), State Of Love And Trust, Gods' Dice, Present Tense, Comatose, Why Go, Do The Evolution
Even Flow, Parachutes, Footsteps, Once, Wasted Reprise, Life Wasted, Spin The Black Circle, Bu$hleaguer, Indifference, Rockin' In The Free World, Yellow Ledbetter, Last Exit, Hail Hail, Save You, Do The Evolution, Dissident, American In Me, Insignificance, MFC, Given To Fly, Even Flow, Down, Jeremy, acoustic Low Light, Masters Of War, Last Kiss, Crazy Mary, Love Boat Captain, Bleed For Me, Blood

Listinn virðist endalaus, og bakvið sérhvert lag er minning, og bakvið minninguna er tilfinning, mismunandi hverju sinni, og virðist oft vera eins og vindáttin, óútreiknanleg. Það er þó ekki hægt að segja annað en þetta hafi verið ótrúlega skemmtilegur, þó hlykkjóttur þroskaferill.

Og nú er svo komið, að eftir viku, fæ ég að sjá þá kumpána aftur, hérna í Washington á stað sem heitir The Gorge, útitónleikasvæði, er með miða í sæti. Þannig fæ ég tækifæri til að þakka þeim fyrir liðinn ár (aftur, fórnaði úrinu mínu síðast, læt miðaverðið duga að þessu sinni), í persónu, ásamt því að njóta þessarar stundar hið ítrasta góðir gestir, hið ítrasta.

Það verður gaman að skilja ölið eftir heima að þessu sinni, og fá að upplifa þessa snillinga án allra ranghugmynda, og hugmynda yfir höfuð.

Eins og suðu-Sigfús orðaði það: "það er ekki hægt að biðja um mikið meira"

Ég er þakklátur fyrir að eiga góða vini.....og mér þykir vænt um vini mína.

Gott að enda þetta á orðum meistara Eddie Vedder:

YOU GOT TO HAVE FAITH

Afreksmenn

2006-07-14T13:30:00.000-07:00

Afreksmenn eru þeir sem setja sér háleit markmið og vinna síðan hörðum höndum að því að ná þessum markmiðum. Eftir mikla vinnu og strit tekst síðan sönnum afreksmönnum að ná sínum upphaflegu markmiðum. Síðan eru náttúrulega aðrir sem skilgreina upphaflegu markmið sín upp á nýtt eftir að ljóst er orðið að þeim verður ekki náð. Á slíka menn verður ekki aftur minns á þessari síðu.
Aftur að fyrri flokknum, í upphafi sumars setti ég mér þrjú markmið:

1) Að vera sem mest úti í sólinni.
2) Að fara ekki í sokka í a.m.k. 30 daga samfleytt.
3) Að fara í ræktina a.m.k. einu sinni á tveggja vikna fresti.

Það er mér ljúft að greina frá því að allt bendir til þess að þessum markmiðum verði náð.

sólríkur júni mánuður senn á enda

2006-07-02T13:17:00.000-07:00

Lag dagsins í boði huldunnar

2006-06-30T10:11:00.000-07:00

RJD2 - Ghostwriter

Malaga - Mijas.....

2006-06-22T20:27:00.000-07:00

Góðan og blessaðan..... var að koma frá Spáni, og til að lepja ekki upp brotna skelina, þá eru komnar myndir af soranum sem þar fór fram... og það fyrir opnum tjöldum...... 009 hér til hliðar.........

Eftir að hafa verið neitað um vegabréfsáritun, þá ferðaðist óli um bandaríkin þver og endilöng í leit að réttlæti, menn hafa viljað líkja þessu við bítlana forðum daga. En þrátt fyrir áhuga sinn á þeim Liverpool leikmönnum, þá endaði hann þó för sína, ekki í gulum kafbát, heldur með kafbátasamloku í þjóðgarðinum yellow stone... Já svona getur lífið komið manni til að brosa, já og jafnvel tísta dáldið..... Hver dagur var spennuþrunginn, þar sem óli og Charlotte, sem smurði ofan í hann dönsku kafbátana, ráku niður öndvegissúlur í miðjum þjóðgarðinum, til að halda uppi borubröttu tjaldinu, umkringd af rammgerðum hjólhýsum millistéttarinnar...

Prímusinn var þó aldrei langt undan, og sat óli við tjaldsbrúnina næturlangt og tendraði prímusinn við minnsta þrusk.......Eftir langa nætursetu, tók einbeitinguna að þverra, og svo óheppilega vildi til að carlotte rumskaði örlítið í svefnrofanum. Við það tendraði óli prímusinn enn eitt skiptið og eins og hendi væri veifað beindi hann loganum að tjaldinu. Fáum sekúndum síðar var orðið stjörnubjart hjá Carlotte greyinu....

Ferðasögur bíða þó betri tíma.....

þangað til..... hafið það gott í suddanum heima.....

Due to popular demand.

2006-06-02T14:45:00.000-07:00

Afmælisbarn dagsins - 02.06.77

2006-06-01T22:56:00.000-07:00

Hugarleikfimi í boði Sigurrós og amina

2006-05-08T19:38:00.000-07:00

Tónleikar um daginn með Sigurrós í Benaroya Hall....
Að vanda var fjölmennt og Íslendingastrollan lét sig ekki vanta.
Þessir tónleikar voru ekki síðri en þeir sem við
sáum fyrir áramót í Paramount Theater, en að þessu sinni var salurinn
aðeins minni, en einnig mun betur gerður fyrir hljómleika
af þessu tagi.
Tveir auka plúsar voru við þessa tónleika, en sá fyrri var þess eðlis að hann óli, náði með útgeisluninni einni saman, að fá gefins tvo miða sem voru á besta stað í höllinni. Þessi smái en knái sambýlismaður hefur hjarta fílsins, og eftir hálffulla tónleika, þá mætti hann aftast á aumingjabekkina þar sem við sátum í jógastellingum, með Charlotte á bakinu, og skipti við mig og vin okkar Dania. Þaðan er þetta videó einmitt tekið........ Ef glögg er fylgst með, þá kemur ansi skemmtileg þögn í laginu þegar rúmar fimm mín eru búnar.....

Hinn plúsinn, var svona forréttaplús, en þær mýslur í hljómsveitinni amina fengu að blása sýnu blíðasta í um hálftíma, og kvittast hér með að þær stöllur stóðu sig hreint ágætlega.... Hér er lokalagið þeira, en það heitir afmælis.

Þangað til næst, farið vel með ykkar nánustu og breiðið út smá ást og hlýju.....

Rísandi sól

2006-05-07T09:35:00.000-07:00

Nordheimar upplifa tíð hækkandi sólar í Seattle, og óska tryggum lesendum gleðilegrar komandi tíðar. Í tilefninu, skellti ég mér ásamt fríðu föruneyti, eftir einn tímann, niður á kajakleigu háskólans, sem er aðeins í 500 metra fjarlægð frá verkfræðibyggingunni.

Séð yfir Lake Washington

Verkefni

2006-05-03T13:22:00.000-07:00

Í síðustu viku var ég að vinna verkefni með tveim stelpum í bekknum. Við þurftum m.a. að kanna viðhorf fólks til ákveðinna hluta. Þar sem mér finnst fólk sem stoppar mann úti á götu til að spyrja mann spurninga vera leiðinlegt, þá stakk ég upp á því að við myndum gefa fólki drykki svo það myndi frekar nenna að tala við okkur. Við fengum síðan gefna drykki hjá heildsala til að nota í þetta. Þegar við fórum að ná í drykkina sá ég að þeir voru með búninga sem þeir létu kynningardömurnar klæðast. Ég stakk upp á því svona í gríni að stelpurnar myndu vera í búningunum. Mér til mikillar undrunar voru þær til í það og skelltu sér bara í gallann. Ég er ekki frá því að þetta hafi haft jákvæð áhrif á könnunina enda hressar stelpur þar á ferð.
Rose, Ég og Marianne í verkefnavinnu í skólanum.

I - 5 beina leið til Sacramento

2006-04-30T21:17:00.000-07:00

Já, Norheimar nötra í veðurblíðunni. Það bókstaflega brakar allt í hitanum, og fólk hreinlega farið að beita hulk hogan taktík við að rífa af sér vetrarklæðin. Með mis- góðum, og vinsælum árangri samt. En oft má gott bæta, og síðasta helgi var notuð í að skoða grasið hinum megin. Viti menn, grasið er grænna í Kaliforniu.

Menn, ekki apar stökkvandi á eftir appelsínum, eitthvað sem íbúar Seattle eiga ekki að venjast

Ástæða fyrir ferðinni var úrslitakeppnin í körfuknattleik, þar sem áttust við heimamenn í Sacramento Kings, og San Antonio Spurs. Eftir mikinn og lappastóran darraðardans, fóru mínir menn í Sacramento... (já ég sagði mínir menn, í aubnablikinu) með sigur af hólmi, sem hefur nú verið gefið nafnið hólmsoddi, og það reyndar með minnsta mögulega mun.

Atvikið festist á filmu......

Gaman að geta þess að rétt í þessu þá voru kings að vinna fjórða leikinn, og staða því orðin 2-2....

Þessi ferð alveg einstaklega vel heppnuð, þar sem við lentum í mikilli sól, og miklum hita.... en það eru ein af fáum skilyrðum sem virðast virka einstaklega vel á okkur Íslendinga. Á heimleiðinni var síðan stoppað við ströndina þar sem hvít og úr sér gengin húðin gekk í endurnýjun lífdaga....

Myndir eru komnar í hús, og má líta dýrðina augum hér til hliðar í myndir 008.....

Annars bið ég ykkur vel að lifa, og fara að engu óðslega......

Þangað til næst.....

Med vor i nosum

2006-04-26T13:57:00.000-07:00

Ja godan daginn kaeru lesendur. Tad er fegurri helmingur Nordheim sem heilsar eldhress a fogrum midvikudegi. Midterms klarudust i gaer og eru medlimir Nordheim-Klansins bara nokkud hressir med tad.
Tad hefur verid mikill teytingur a okkur undanfarid tannig ad tad er gott ad fa taekifaeri til ad kasta maedinni eitt augnablik adur en naesta torn byrjar. Tad er lika stundum gott ad staldra vid og njota fegurdar augnabliksins. Fara bara ut og horfa i kring um sig, hlaupa i pollum, smida kofa eda leggjast med eyrad vid grasid og hlusta....
Greinarhofundur ad njota augnabliksins.

Stundum er gott að hafa hlutina einfalda

2006-04-05T13:06:00.000-07:00

Snowqualme - æfingaferðin fyrir Whistler

2006-03-30T03:22:00.000-08:00

Það skipast á skin og skúrir hér í Seattle eins og annarsstaðar þar sem manneskjan hefur náð að kasta öndvegissúlum. Nú var land numið í Snowqualme, þar sem sólþyrstir skíðagarpar köstuðu teningunum og freistuðu gæfunnar í snævi þöktum klettunum.
Eins og ávallt eru sigurvegarar meðal jafningja. Það var og hér. Eins og svartur og hvítur tækluðum við Tumi brekkurnar af heiðarleika og sanngirni.....

Carpachio stillir sér upp fyrir ljósmyndara sek. brotum áður en lætin byrja.

það er aldrei of varlega farið, hafði sá stutti orð á.

Making history

2006-03-27T22:27:00.000-08:00

Einn sólríkan Seattledag ákváðum við sambýlismaður minn að leita uppi þekktan listamann til að fanga á pappír listaverkið sem andlit okkar eru. Eftir mikla leit fannst á fyrstu breiðgötu umræddur listamaður. Ekki reyndist hann ódýr, en sambýlismaður minn náði með miklum sannfæringarkrafti að telja mér trú um að ekki yrði aurunum á annan hátt betur varið. Það má því segja að á vissan hátt hafi einfeldningslegt nöldur sambýlismanns míns, verið upphafið af þessum sögulega atburði. Staðreynd sem á eflaust eftir að rata í sögubækur framtíðarinnar. Listamaðurinn ákvað að byrja á léttri upphitun áður en ráðist yrði í meistaraverkið. Hann bað því sambýlismann minn vinsamlegast að stilla sér upp, sem hann og gerði. Eftir að upphituninni var lokið og líta mátti smetti sambýlismanns míns á pappírnum, var sem allur efi hyrfi úr huga mínum, sem dögg fyrir sólu. Ég fann á mér að merkur atburður í listasögunni var í þann mund að eiga sér stað. Ég gerði mitt besta til að hlýða ítarlegum fyrirmælum listamannsins sem gaf hárnákvæmar skipanir um það hvernig höfði skyldi hallað og hvert augum ætti að beina. Loksins eftir langa og erfiða lotu tókst listamanninum að ljúka ætlunarverki sínu og stoltið leyndi sér ekki. Augu hans skutust ótt og títt milli andlits míns og listaverksins og svitin draup af honum, sem mæjónes úr nonnabáti. Allt látbragð hans benti til þess að ekki hefði annað eins afrek verið unnið af nokkrum manni. Hann vildi þó ekki láta staðar numið og bauð okkur að teikna, gegn aukagreiðslu, Space Needle líka á myndina. Það var þó sameiginleg ákvörðun mín og sambýlismanns míns að slík mannana verk ættu ekkert erindi á mynd sem þessa. Einnig hafði það áhrif á ákvörðun okkar, að listamaðurinn var augljóslega þrekaður mjög.

Bella And Sebastian veisla

2006-03-26T23:42:00.000-08:00

Endir á góður vorfríi og án efa einn sá næringarríkasti. Tónleikar með Belle And Sebastian og the new pornographers. Svona Bonnie og Clyde tvíeiki sem skemmti einstaklega traustum aðdáendum sveitanna í gær í Paramount leikhúsinu. Skemmtun mikil og gaman að fá að heyra gamallt efni í bland við það nýja.... Enda er ég frekar gamall skóli þegar kemur að þeim B&S kumpánum......

Alla vega... hér er eitt gamalt lag.. sem heitir einfaldlega Belle and Sebastian, og er af plötunni Lazy Line Painter Jane, hvorki...né...minna.

Annað gott lag sem þeir tóku, var af plötunni If you´re feeling sinister, og heitir The fox in the snow... Endarnir urðu eftir á tónleikunum en annað festist á filmu.

Allur skruðningur sem heyrist er víst ekki á plötunni sjálfri, þannig að þetta er einstök upptaka... ef þú ætlar að tékka á þessu Snorri minn, þá þarftu ekki að hafa áhyggjur af því að suðið sem elti þig myrkrana á milli á uppgangstímum sé komið aftur....

Yfir í aðra sálma.... Skólinn byrjar aftur á morgun, og nú eru þrír pólverjar í vinnu hjá okkur við að koma stundaskránni saman, so far so good, eða eins og einn sá pólski hrópaði áður en hann skellti sér á vindsængina:... Dotychczas tak więc dobry.

Góð vika er í vændum og ef að líkum lætur mun hún enda í einni allsherjar polkaveislu.

Látið gott af ykkur leiða.

What a wonderful world

2006-03-22T01:35:00.000-08:00

Sóðabulla var heimsótt á leið til Portland, og meðal annars tók
á móti okkur syngjandi froskur, mikið nokk....

Allt í drasli.....Heiðar heimsækir nordheim

2006-03-11T21:51:00.000-08:00

Úff, það er sko full vinna að vera fallegur, og öllu mörgu fórnað til að næra útlitsdýrkun ungra kvenna í því sódómíska samfélagi sem umlykur okkur norheim-verja, þar sem við sinnum okkar nauðsynjabrölti.

Myndavélin var á lofti í dag, og sjálfsagt að gefa "ekki eins vel gerðum af guði" lesendum þessarar síðu sýnishorn af þeirri vinnu sem situr á hakanum......
Gefum Heiðari snyrti orðið:

Já, það er fróðlegt að sjá hvað nordheimar finna sér til dundurs að gera í miðjum lokaprófum. Þetta er þá svona eftir allt saman..... Maður hefði mátt skjálfa aðeins minna, þegar maður, fyrir 15 árum, var við það að sprengja fjórðu bóluna á spegilinn í skólanum, horfði á langskólagengið fólk, og fannst þetta vera alveg óyfirstíganlegur þroski sem maður þyrfti að ganga í gegnum til að ná þangað...
Jæja, í gær sprengdi ég kannski ekki fjórar bólur, en ég splatteraði einni á spegilinn, ropaði í takt við hundleiðinlegt lag á mtv, og rak við, inn í herbergi hjá óla.....Ég fæ mastersgráðuna eftir sex mánuði, en samt var mér skemmt sem aldrei fyrr......Sumt bara breytist....ekki.

Þannig að ef svo vill til að þú ert unglingur og með bólur, þá eru það nægar þjáningar fyrir einn dag, áhyggjur af framtíðinni eru falskar, best að láta þær eiga sig.......

Já, það er svo sannarlega gaman að vera til, einn dag í einu.....

Dýragarð - ar

2006-02-27T22:25:00.000-08:00

Já, Nordheimar litu sameiginlega upp úr bókum um daginn, og þegar litið var út um gluggann, þá sáum við, okkur til mikillar undrunar, einn afar hálslangan. Nei það var ekki hann Atli Levy, það var gíraffi.....

Skrítið nokk, en eftir miklar og skynsamar hringborðsumræður, þá kom hið rétta í ljós! það er dýragarður í nágrenninu, viti menn......

Já, það er sannarlega margt sem leynist í bókunum, en íbúar Nordheim reka sig á það trekk í trekk, að það er svo sannarlega lífsmark utan þeirra......

Þessi fór að vísu ekki út þennan daginn, en hann var að ná sér af einhverjum kverkaskít, og vildi forðast það að slá niður.

En það voru ekki allir með horn í síðu sinni, og komu, sáu og sýndu sig.

þessi náðist rétt áður en bóbó var leiddur inn í gillette bílinn.

húsbóndinn slakur, enda veit frúin hvar hennar staður er.

Þessi heldur víst lífi, eingöngu fyrir þá sök að vera sá minnsti sinnar tegundar.
Ótrúlegt en satt, þá heitir hann Pétur Guðmundsson......

Kóngurinn var ekki upplagður í myndatöku, og snéri upp á sig.

Fuglarnir af Saxe létu ekki sitt eftir liggja, en það tók mig nokkra stund að sannfæra dyraverðina um að hleypa þeim út.

En talandi um dýragarða, þá var haldið þorrablót Íslendingafélagsins hérna fyrir vestan. Nokkuð góð mæting var, fáir sem melduðu sig veika, og dýrin skörtuðu mörg hver sinu fínasta.....

Glimmer og grænt var þema kvöldsins, en eins og áður fyrr var gillete bíllinn mættur, og ég rétt náði að smella af, áður en hann var leiddur á brott. Gott ef glimmer drottningin hafi ekki verið tekin næst á eftir honum.

Lambakóngurinn var ekki eins chillaður og Apakóngurinn, enda virtist hann ekki hafa neina stjórn á konunni sinni. Þessar myndir náðust af þeim, rétt eftir að þau höfðu snætt sér á einu lambi eða svo, eða öllu lambinu, nema lambakjötinu, og ullinni, sem þau notuðu sem höfuðföt í virðingarskyni.... Sjón er sögu ríkari.....

Lifið heil.... áfram Ísland og áfram lamba- mínus kjöt, oj......

Dansinn dunar enn

2006-02-20T00:05:00.000-08:00

You scored as Psychology. You should be a Psychology major!

Psychology 83%
Philosophy 75%
Dance 75%
Theater 67%
Mathematics 67%
Art 67%
Engineering 67%
Sociology 67%
Biology 58%
Journalism 58%
Anthropology 58%
Chemistry 50%
English 33%
Linguistics 33%

What is your Perfect Major? (PLEASE RATE ME!!<3)
created with QuizFarm.com

Zoooooooooo

2006-02-18T20:00:00.000-08:00

Ólafur "Valentínus" Baldursson

2006-02-14T22:35:00.000-08:00

Já, vitið menn, enn rembast lýsnar við, og halda svo sannarlega dauðataki í krumpaðan og sleipann skyrtuflibbann.

Dagur ástar gengur nú um Nordheima, og það er eins og Eros hafi vakið Óla Valentínus, með einni af sínum beittari ástarpílum. Eftir að hafa hrokkið úr svefni hinna réttlátu í morgun, við ástaröskur í herberginu við hliðina, þá fór ég hratt yfir, og endaði með að lauma hausnum varlega út um hurðagættina hjá mér. Sá þá, mér til mikillar undrunar, og hreint og beint skelfingar, að Óli Valentínus, með ástarpíluna í bakinu, stefndi með erosglampa í augunum og faðminn útbreiddann, styðstu leið í suður, eða beint í áttina til mín.
Ég brást snöggt við, og þakka ég viðbragðið, þeim jógatímum sem ég hef stundað síðustu vikur, (tilgangurinn helgar meðalið, svo sannarlega) og rétt náði að bregða krækjunni fyrir áður en hremmar Óla Val skullu á hurðinni.... úffff.....þar skullu varir á hurð, og hurð nærri hælum.

maður veit aldrei hvenær eros bankar upp á.

Það er löngu vitað að hér á Nordheimum verða menn að búa sig undir óveður jafnt sem veður. Ég náði því að lifa ágætis lífi í herberginu mínu, meðan lætin gengu yfir, þar sem ég hafði komið mér upp neyðarvistum, líkt og 98 prósent af bandaríkjamönnum. En hér í landi hefur sögnin "að hamstra" verið bætt aftan við morgunbæn landsmanna.
Gula hættan er ekki liðin hjá, og sífellt bætast við fleiri litir, samkvæmt Barböru Bush.

En orðinn þó þetta gamall og sannarlega reynslunni ríkari, þá vissi ég það að áhrif valentínusardagsins á hann Óla Valentínus blessaðan myndu ná sýnu lágrisi aftur, og það gleður mig að geta sagt ykkur að Nordheimar eru komnir í samt lag aftur. Það er vel. Óli setur nú löngutöng á móti ástinni, og ber við minnisleysi. Enn og aftur sýni ég fullan skilning.

Nordheimar óska ykkur gleðilegs valentínusardags, nær og fjær.

HOOOOLD IT

2006-02-14T22:34:00.000-08:00

You're An Alcoholic

Time to go back to step one.

What Kind of Drunk Are You?

Síðasti vagninn farinn

2006-02-13T23:13:00.000-08:00

Jæja, þá eru íbúar Nordheim loks staddir í forinni miðri, og hún nær okkur svo sannarlega upp að kverkum. Tvö próf eru að baki, og sem fyrr hefur bakendinn enn einu sinni fengið að kenna á refsivendi kennara. á-í....

Næsta próf er á föstudaginn, og Nordheim býr sig undir orustu, en til vonar og vara verður bakendinn með auka fóðringu.

Síðustu dagar hérna í Seattle hafa verið sólríkir og hitinn farið vel yfir ungbarnaaldur, en það vildi svo skemmtilega til að fyrsti dagurinn, sem nordheim vogaði sér út, þ.e í dag, til að fara í próf, þá var rigning.
Veðurguðirnir eru því komnir í lið með þeim guðum sem hafa horn í síðu okkar. Það er ver.

Góðu fréttirnar eru þó þær, að þrátt fyrir allt, þá hefur deildin en stjörnuryk í augum gagnvart okkur, og samþykkti í dag að styrkja okkur til frekara náms næsta sumar. Við munum því vera í hálfgerðu sumarfríi á launum, og það er mjög vel. Þetta er svona mini MBA nám, sem verður kennt í tvo mánuði og endar með því að við tökum, sigurreifir, við viðurkennningarskjali þann 17 Ágúst. Já, fegurðin kemur manni svo sannarlega, enn til góða í þessu lífi, sem öðrum. Við vitum varla hvar við stæðum, ef það væri ekki fyrir lúkkið.

Þeir fiska sem róa....

2006-02-07T22:12:00.000-08:00

"Góða veiði hljóta skalt", orti sá orðlipri andskoti, afsakið hvernig ég nota orðaforðann. Kjánalegt að mönnum séu eignuð viss orðatiltæki, eins og þeir hafi upp á sitt einsdæmi lagt tvo og tvo saman. Hringi í þjóðarsálina á eftir.

En það er helst í fréttum, að það flökta ei lengur fánar á Nordheim eða nágrenni, þar sem arabar hafa safnað öllum fánum saman og dunda sér nú við að brenna þá. Þvílíkir dundarar..
Þetta er svo sem að hálfu skiljanlegt, þar sem íbúar Nordheim höfðu lúmskt gaman af sinubrunum fyrir ei svo löngu síðan, þá aðallega þeim hluta sem fór í að hjálpa til við að slökkva þá, að sjálfsögðu. En þó brá íbúum Nordheim í brún að sjá fullskeggjaða menn vera að leggja að eldinn, þar sem okkar iðja stöðvaðist um það leiti sem kúlurnar ultu í rétta vasa. Hafa arabar kannski engar kúlur, ja, þar er kannski komin skýringin á hátíðnihljóðunum, og varableyjunni á hausnum, en allur er varinn góður. Við berum við fáfræði, enda misvísandi upplýsingar sem Bush og félagar gefa okkur hér í landi frelsis.

Annars þá fékk ég senda góða mynd um daginn, og í þetta sinnið þá sagði hún 1000 orð og rúmlega það.

Ef það er partur af tilgangi lífsins að njóta sín í góðra vina hópi, þá minnir þessi mynd mig um margt á tilgang lífsins.

Íslensk náttúra yfir sumartímann, falleg á, flugustöng, nóg af laxi, í fylgt með besta vini þinum, og ískalt "vatn"......Priceless.
Nú get ég ekki beðið eftir því að komast með félögunum í árnar í sumar.

Áfram Ísland, okkar ástsæla fósturjörð, halelúja.

Veikindi, midterms og ást á Internetinu

2006-02-07T11:34:00.000-08:00

Komiði sælir kæru lesendur og gleðilegt ár. Bateman heilsar hér hress á nýju ári. Það hefur nú ýmislegt á daga mína drifið síðan við hittumst seinast; ég fór t.d út að borða um daginn og síðan fékk ég mér nýjar buxur. Já það er ótrúlega margt sem kemur upp í hugan en ég læt þetta duga í bili.
Af öðrum íbúum á Nordheim er það nú helst að frétta, að þrátt fyrir allar þær heilbrigðisráðstafanir sem til eru í heiminum (held ég) þá er Gaylordinn á 1203A nú lagstur í flensu.
Hér má sjá brot af þeim pillum sem eiga að halda Lordaranum frá veikindum þrátt fyrir óheflað líferni.

Þetta hefur þó ekki mikil áhrif á starfsemi hússins utan þess að einstaka sinnum stynur lordarinn svo þunnir veggirnir nötra. Skrítið samt að þegar ég lít inn til hans til að athuga hvort það sé ekki allt í lagi með hann, og hvort ég geti fært honum svalandi drykk eða heitan bakstur, þá situr hann yfirleitt brosandi við tölvuna!?

Hvað fer fram innan veggja 1203A ?

Annars eru midterms að renna í garð og er ekki laust við að tilhlökkun sé í mönnum hér á Nordheim. Það er nefnilega gaman að fara út á akurinn að loknu góðu dagsverki og njóta uppskerunnar. Þetta verður góður tími, en mikið vorkenni ég hinum sem hafa kannski ekki verið nógu duglegir. Þar er hætt við uppskerubresti.

eina krónu fyrir mér, 1.2 og 3

2006-01-30T16:17:00.000-08:00

Nordheim heilsar að hermannasið, enda Bush búinn að ákveða að senda dagmömmur í Eden þar sem bíður þeirra ís, svo lengi sem þær dreifa áróðursbæklingum til nýnema. Allur er varinn góður.
Héðan úr villta vestrinu er um fátt eitt annað rætt en síðustu heimaverkefnin í skólanum, en þau komust næst því að vera jafn svæfandi og Halldór Ásgrímsson á rímnakvöldi þeirra húnvettlinga. En nú hefur þessum verkefnum verið skilað, og okkar hlutur í minnkun regnskóganna sjaldan verið meiri. Í mótmælaskyni við verkefnin, heftuðum við nokkrar ræmur af klóssettpappír aftan við verkefnin.

En það eru læti framundan, en okkar menn eru komnir í úrslit í meistaramótinu í keilu. Seattle Seahawks, sem hingað til hafa aðeins verið þekktir fyrir einstakan og snyrtilegan klæðaburð, eru loks búnir að leggja frá sér saumadótið, og munu etja kappi við þjófana í Pittsburg n.k. Sunnudag.

Þar sem engin blöð ná upp til okkar hérna á Nordheim, né sjónvarpsfréttir, þá getum við lítið tjáð okkur að öðru leiti um atburði líðandi stundar, nema það kannski að strætó kom á réttum tíma í morgun, miðað við þann tíma sem við höfum gefið okkur.

Það er annars kominn tími til að starta getraunaleik Nordheim, og að þessu sinni er spurt um persónu. Einfaldlega hver er maðurinn, hmmm á myndinni?.

Nú er ekkert annað betra en að vinda ofan af svarinu, en það má gera með þrennum hætti... með fyrra nafni, með seinna nafni, eða gæludýri.

BUBBI BYGGIR

2006-01-28T21:42:00.000-08:00

Nám í uppnámi

2006-01-28T04:43:00.000-08:00

Námsaugu íbúa nordheim fengu óvænta byltu nýliðinn Miðvikudag, en kvenlegt innsæi og afvegaleidd tímaáætlun skilaði okkur á tónleika með þeim Will Champion og félögum í Coldplay. Kominn tími til að haga sér eins og Homo Sapiens, rétta úr bakinu og hætta að þefa uppi eigin skítalykt, ánægjunnar vegna.

Þrátt fyrir mikla og stöðuga fléttiþörf, voru íbúar nordheim sáttir við að detta úr bókaþönkum, eða "Snap out of it". Íbúðin var heldur betur farinn að láta á sjá eftir lítið en óæskilegt loftflæði, og ekki lengur notuð ruslafata, heldur hefur verið girt af ruslasvæði, þar sem hlutum og úrgöngum er kastað inn fyrir. Við þurftum sem sagt að komast út. Er ekki frá því að veggirnir hafi tekið lit meðan við vorum frá. Svei mér þá.

Téðir tónleikar voru hin mesta skemmtun, en að venju var byrjað á að heimsækja T.S. Mchughes, og að sjálfsögðu var bílnum lagt á sama stað og áður. Allt eftir settum og reglum og öllu því.

Upphitun á T.S. McHuges nauðsynlegt að setja sig í stellingar

Bateman með ótrúlega nákvæmt auga fyrir linsunni

Tom frá Texas. Hógvær jafnt á myndum sem í máli.

Einhver breskur sérvitringur hefur tjáð þeim Coldplay liðum að seahawks væru komnir í úrslit í súperbolta, en þeir nýttu sér það óspart til að hvetja konur og skrækraddaða karl-ó-menni til að þenja pípurnar í tíma og já, ótíma. það kom þó ekki að sök að þessu sinni og prógrammið rann vel í gegn, og fór jafnvel batnandi með hverju laginu.

Sigurrós ómaði um salinn meðan fjöldinn kom sér fyrir

Þeir ákváðu að tileinka Johnny nokkrum Cash nokkrar dýrmætar mínútur, og tóku þá meðal annars lagið Ring of Fire.

Fleiri lög verða sett inn, með tíð og tíma. Annars líður hinn almenni dagur afskaplega hratt hér fyrir vestan og lítill tími fyrir fíflaskap. Þó er fíflið í manni aldrei langt undan, og aldrei að vita nema íbúar Nordheim geri sig seka um vítavert kæruleysi á komandi misserum.

Þangað til megið þið að sjálfsögðu láta fara vel um ykkur, og nota tóndæmin hérna sem vind í seglin.

Blindur á skíðum, blindur af ást.

2006-01-18T22:42:00.000-08:00

Bateman hefur ákveðið að reyna að ná lágmarkinu fyrir vetrarólympíuleikana sem haldnir verða í Kanada á næstu mánuðum, þvílík var áfergjan hér í vikunni sem leið.

En eftir að hafa sofið með okley skíðagleraugun, skíðahanskana, og í undirfötum frá 66 gráður norður, samfellt í þrjár heilar nætur hérna á nordheim, svona til að tilkeyra græjurnar, þá setti hann loksins á sig skíðin, árla morguns og renndi sér, á undan sólinni, niður stigann, út í bíl, og 5 tímum seinna var hann farinn að renna sér niður hlíðar fjallsins Whistler, en nota bene, þar verða téðir leikar haldnir.

Bateman, eða Tarzan skíðafrumskógarins

Bateman réðst ekki á fjallið þar sem það er lægst, heldur skundaði upp á topp, og lét vaða. Hann náði víst það mikilli ferð á ný vaxi bornu skíðunum, að för hans endaði í fangi landamæravarða Kanada. En hann komst þó undan æstum vörðunum, og hélt áfram að renna sér, og hann renndi sér og hann renndi sér. 4 dagar liðu án matar, og seint á Mánudag var rafmagnið tekið af fjallinu, og bateman settur í böndum aftan á snjótraktor og skilað yfir landamærin. Bateman skilaði sér heim í hlýjuna á Nordheim seint það sama kvöld.

Eitthvað hefur dvölin á traktornum farið illa með ljósið sem lýsti svo bjart á skíðaferil hans, en hann var ekki fyrr sestur að snæðingi, sem beið hans heitur, en hann skundaði snögg en óvænt inn í herbergið sitt og eftir mikil átök kom hann sigurreifur og ákveðinn í fasi fram með plaggat af herman meier, skíðakappa, sundurrifið og fann því stað neðst í dimmri ruslafötunni......

Í dag gengur lífið sinn vanagang á Nordheim, þökk sé guði, eftir þessa miklu uppákomu, og íbúarnir aftur farnir að elda grátt silfur við prófessora og þeirra dægurverk.

Orð dagsins:
Láttu það eftir þér. Þú átt það svo sannarlega skilið.

Toca La Guitarra

2006-01-15T02:32:00.000-08:00

Þegar ég var 14 ára gamall fékk ég gítar í jólagjöf frá foreldrum mínum... Þetta var klassískur gítar, ja svona eins og þessi þrjú ess gefa fyrirheit um. Á þessum árum vorum við félagarnir að fá og missa áhuga á öllum hlutum mögulegum og ómögulegum.

Það vildi bara þannig til með gítaráhugann, að hann fékk ég rétt fyrir jól. Ég sat því uppi með frekjuna og gítarinn á nýju ári, en áhuginn fór í jólaköttinn.

Það var svo góður vinur og áhugamaður mikill um gítarleik sem fékk að hafa afnot af gítarnum. Einhverjir fleiri komu að þessum gítar þegar fram í liðu stundir, en þennan gítar sá ég alla vega ekki framar.

Mórallinn er sem sagt sá að ég keypti mér gítar um daginn, og í þetta skiptið var ekki keyptur neinn klassískur gítar, sem dró úr mér máttinn síðast, heldur var keyptur svona "cool" gítar núna. Þurfti að kaupa gítar sem líkist að einhverju leiti þeim sem tilheyrir dagdraumum mínum. Ég sé því loksins fyrir endann á biðinni eftir að verða frægur og dáður.
Mikið var.
Fyrsti gítartíminn er á Miðvikudaginn. Vona bara að það liggji eitthvað meira að baki þessum útleik mínum, en bara það að ég sé fastur í vef æskudrauma...hehe...

kannski best að snappa út úr þessu og reyna að klára heimadæmin, áður en maður missir allt niður um sig.

Höfum þetta einfalt í ár

2006-01-08T23:50:00.000-08:00

Nordheim óskar fólki nægjusemi á nýju ári, og sanna skál fyrir árinu sem leið svo vel.

Árið 2005 er nú loks komið í kassa og á leið upp á háaloft. Aldrei þessu vant er skrifað á þennan kassa GEYMA, en ekki GLEYMA, eins og hefur verið tíðin hér áður fyrr.

Ætli árið verði ekki bara kallað þakklætisárið mikla, svei mér þá.

Á árinu 2005 las ég bók, sAnnArlega góð bók.

Eftirminnilegasta setning ársins: það er til lausn...., sem kemur sér vel, þar sem ég er að læra talsvert í ólinulegum fræðum, og þar er enga lausn að finna... nema mjög flóknar nálganir gerðar af mannavöldum, hverjum öðrum. Enda er nú flest það flókna manninum að kenna, en það er nú ekki okkur að kenna, skiluru? Við erum bara ófullkomin og glöð....gaman gaman..og svo snúum við okkur í hring...

Annars var verið að velja mann ársins út um allar trissur, og mis lappastórir sauðir verið kynntir til sögunnar. Alltaf jafn gaman að lesa um mann ársins í blöðunum, og vera að lesa um hann í fyrsta skipti þar. En samt nokkuð góð dreifing á þessu, bara á Íslandi voru örugglega valdir yfir 100 menn ársins.

Jesú er töffari ársins 2005.

Hringnum lokað

2005-12-11T18:52:00.000-08:00

.....þess má til gamans geta að rétt í þessu var ég að ljúka síðasta prófinu á þessari önn. Ég heftaði lausnina saman og viti menn - þetta var síðasta heftið í heftaranum.
ÓTRÚLEGT!!!!!!!!!

SEATTLE SUPERSONICS - cleveland

2005-12-09T18:34:00.000-08:00

Góðir hálsar, Nordeim flaggar í hálfa stöng eftir erfiðar nætur. Steypuprófinu var skilað í dag og ekki dropi eftir af sjálfsvirðingu. Tveggja daga próf ættu bara að sjást í fangelsum, ja, og kannski fyrir sjálfsskipaða dyslexíuplebba, verði þeim að góðu.

Annars er lyktin hér á Nordheim farinn að vekja áhuga vísindamanna hvaðanæva. Nú er sem sagt verið að loftræsta herbergið hjá Bateman, þeir treystu sér ekki að byrja í mínu. Svo er búið að senda fyrsta gáminn af JBS niður í þvottahús, ekki seinna vænna.

Nú er bara að anda suðrinu sæla, áður en næsta vitleysa verður á borð borin, en það mun vera á morgun.

En nóg um það. Nordheim fjölmennti á Seattle leik um daginn, og mótherjarnir, Cleveland, með leBrown í fararbroddi. Þetta var hin mesta skemmtun, enda sjaldan annað í boði, og réðust úrslit ekki fyrr en á lokamínútunum. Hér eru nokkur tilþrif úr leiknum. Jamm, og supersonic unnu með 5.

Það er alltaf mikið um dýrðir á NBA leikjum hérna, og karfan oft ekki aðal atriði kvöldsins. Tók upp smá sýnishorn af Boom Squat sveit, sem heldur uppi stuðinu í leikhléum.

Þeir eru farnir að kroppa verulega í athyglina sem klappstýrunum er vanalega gefin, enda er þeirra atriði orðið frekar þreytt, sem er eiginlega ekki annað en að brosa, og kannski að sofa hjá leikmönnum eftir leiki.

Night-At-The-Roxbury

2005-12-05T23:34:00.000-08:00

Já, Nordheim, Radford, ásamt þeim Saxe bræðrum ákváðu síðustu helgi að lyfta sér örlítið upp og skilja kindurnar eftir í fjárhúsum. Eitthvað virtist það trufla mannskapinn, og enginn vissi hvert leið lá. Enda fór svo að kvöldið lá allt niður á við.

Eftir að búið var að tjóðra Gunna niður, og stinga upp í hann epli, var haldið á St.Hughes, og Gunni mataður af sóðaborgara.

Síðan var haldið á skemmtistaðinn Ossie, en þar fór Gunni á kostum er hann söng "Lagið þitt", eftir Eltan Jón, en hann komst þó ekki alla leið upp á svið.

Það var erfitt að velja lag sem hentaði röddinni hans. En það góða við þetta var þó það að Atli hélt pósunni alla leið í gegnum lagavalið.

Eftir það fór verulega að halla undan fæti og hver sóðabúllan þefuð uppi. Kári vakti mikla kátínu æstra meyja á Cowgirls, þegar sprautað var á hann vatni, og hann svo tekinn og borinn um staðinn. Fagnaðarlátunum linnti ekki fyrr en hann var borinn út af staðnum. Það var þó ekki fyrr en ljósmyndarar playgirl höfðu náð nokkrum myndum af drengjunum.

Kári hrópaði að það væri rotta á gólfinu.

Gunni ákvað að pófa þetta líka,
en náði ekki að halda andliti í gegnum grínið.

Plötusnúðurinn heyrði í þeim félögum og fljótt voru flestar meyjar staðarins farnar að klifra upp á borðin

Nema kannski þeir Saxe bræður, en þeir voru fyrir lifandi löngu búnir að lofa sjálfum sér því að taka nokkur spor saman. Ekki var það svikið, frekar en annað sem hægt er að rekja upptök sín úr íbúð þeirra.

Atli kominn með taktinn, en Tumi telur í.

Að lokum var þó gott að geta fundið fasta punktinn í tilverunni, þegar Ihop, heimilislega sóðabúllan var sótt heim, þar sem menn hreinsuðu sig af syndum sínum, með eggjum og pönnukökum.

Cherry Christmas

2005-11-30T10:28:00.000-08:00

Nordheim búar vilja nota þetta tækifæri og óska landsmönnum nær og fjær, gleðilegra jóla.
Ekki seinna vænna að fara að skreyta fyrir páskana. Kaninn fer svo snemma í hátíðarskap, að það er allt farið í hnút hérna á Nordheim.

Alla vega er öll íbúðin þakin í gjafapappír, en þegar ég fór á lappir í morgun, var lilli búinn að rífa upp pakkana sína, og sat á gólfinu, búinn að klæða sig í nýja peysu sem hann fékk að heiman, allur löðrandi í íslensku súkkulaði. Hann verður í skammakróknum eitthvað fram eftir degi. Þetta súkklaði var handa mér. Svona gerir maður ekki......

Já, jólin eru kominn í jólafrí.

Ofur-Geiri

2005-11-28T19:17:00.000-08:00

Þetta myndband fær mann til að brosa út í annað. Minnir mann óneitanlega á sumt af því sem maður verður vitni að innan veggja Nordheim.

Lærdómsstelling nútímamannsins

2005-11-28T09:59:00.000-08:00

Það má segja að 90% af deginum fari í þessar stellingar hjá okkur kumpánum. Enda gríðarleg samviskusemi sem skekur Nordheim þessa dagana.

Annars er lítið upp úr okkur að hafa, nema að við lendum sigurreifir á klakanum þann 13. des.
Blóm og kransar vinsamlega afþakkaðir.
Við erum komnir með jafnlangan jólagjafalista og jólasveinninn, þannig að við biðjum fólk að halda að sér höndum. Alla vega að sigta út nauðsynjavörur eins og eldhúsrúllur og salernispappir, enda megum við bara taka með okkur tvær ferðatöskur á mann. Svo er dollarinn að rjúka upp úr öllu valdi......

"And I find Hitler in my heart, from the corpses, flowers grow."

Gleðilega þakkargjörðarhátíð!!!

2005-11-24T15:05:00.000-08:00

Próflokaferð

2005-11-22T01:48:00.000-08:00

Já, það er svo sannarlega skemmtilegt að sjá fima fingur Batemanns lýsa upp veraldarvefinn. Eftir um klukkutíma setu á parabólunni og búinn að sóa einni rúllu í að reyna að þrífa upp eftir sig, enn með allt niðrum sig, girti ég hann í streng, og rak inn í grenið sitt, með þau skilaboð á hnakkadrambinu, að hann fengi hvorki vott né þurrt, fyrr en hann hefði rétt sinn hlut gagnvart sjálfum sér og öðrum íbúum Nordheim.
Fingur herra Batemanns hafa heldur betur verið fjarlægðir úr frystinum, því nú þegar, er búið að panta nýtt lyklaborð frá þjónustudeild IBM, en þeir styrkja hans skrif.

En víkur nú sögum af próflokaferðinni, sem ákveðin var, sem og flest annað innan veggja íbúðar 1203 á Nordheim, með afar góðum fyrirvara. Takmark dagsins var að eyða alla vega 50,000 kalli í hvers kyns vitleysu, eftir að hafa tæklað prófin, með eftirminnilegum hætti.

já, rétt hjá Bateman, eitt próf að baki

Nostradamus nokkur var vanur að rita í skinn, enda fór það auðvitað svo að Carpachio eyddi 47,000 alíslenskum. KRAFÐIST þá Bateman að hann myndi alla vega leggja út rúmar 3,000, svona til að sprengja uppsett verð með stæl.

Að vísu fór hálfur dagurinn í að eltast um dýrustu búðir sem Seattle hefur upp á að bjóða, til að máta jakkaföt á milljónaerfingjann. Þau ódýrustu sem hann fékkst til að máta, með trega, frá Paul Smith nokkrum. Þeir "larfar" voru á litlar 150,000 krónur.

Bateman víkur sér fimlega undan Paul Smith fárinu.

Bateman var í draumalandinu nokkra stund, en fékkst þó loks til að stíga niður af palli þeirra sigurreifu, og endaði með að kaupa föt í kolaporti þeirra Washington búa.

Svo vel vildi til að áhættuleikar Rocky, fyrstu tvær myndirnar, var að vinna.

Kári og Dressmann í góðum gír á góðri stundu.

Einnig náðust fyrir tilviljun myndir, þar sem próflokaferðin var vel á veg komin:

Eins og glöggir lesendur sjá, eru þetta ekki aðeins sömu pokarnir sem við höldum á, heldur er einnig hægt að nota Ranier nálgun til að staðfesta það með 95% líkindum, að pokarnir eru samir að rúmmáli.
En þar sem Bateman hafði notað 3,000 kallinn, rúman, til að kaupa dollara, þá fékk hann lánaða innkaupapokana mína, og fékkst í staðinn til að brosa sínu breiðasta.

Já, heimur hinna vansælu, ef þú ert á alsælu. Sæl að sinni.

Depeche Mode

2005-11-21T23:48:00.000-08:00

Skellti mér á Depeche Mode um daginn. Þetta voru geðveikir tónleikar eins og sjá má á myndum og vídeói.
Þetta er gamall refur sem veit nákvæmlega hvað hann er að gera.

Áhorfendur voru trylltir.

Midterms

2005-11-21T22:31:00.000-08:00

Jæja góðir lesendur. Þá eru Nordheimbúar búnir í próflestri í bili og eru bara nokkuð sáttir með það. Það er merkilegt hvað þessi blessuðu próf geta alltaf sett allt úr skorðum hjá manni. Svefnleysi, stress, næringarskortur og ilsig eru meðal þekktra kvilla. Það er því gott að hafa fastan punkt í tilverunni þegar svona stendur á og geta þannig alltaf calibrerað sig yfir í rétt hnitakerfi á ný. Án þess endar maður bara öfugu megin við lækinn á vitlausu túni. Þó að við Geiri höfum nú stundum verið úti á túni í próflestrinum þá tókst okkur sem betur fer að vera innan girðingar. Þessu til sönnunnar langar mig að birta nokkrar myndir sem voru teknar þegar leikar stóðu sem hæst.

Ásgeir að lesa um annarrar gráðu tensora.

Á þessari stundu var ég að hugsa hvort ég gæti átt framtíð sem söngvari ef verkfræðin myndi klikka. Stuttu eftir að þessi mynd var tekin söng ég þrjú lög án undirleiks og hélt síðan áfram að læra verkfræði.

Mönnum verður oft heitt í hamsi þegar átökin eru mikil. Ásgeir er þeirrar skoðunar að best sé að nýta sem mest af yfirborðsflatarmáli líkamans við lærdóm. Óhindraður aðgangur námsefnisins að líkamanum er mikilvægur þáttur í þessari kenningu. Einn morgun þegar ég vaknaði þá var ACI staðallinn horfinn. Ásgeir svaraði fáu þegar hann var spurður. Horfði bara dreyminn út í loftið. Þess ber að geta að á prófinu svaraði hann öllum spurningum sem sneru að staðlinum rétt.

Þessi mynd er tekin 45 mínútum fyrir próf. Það er ekki laust við að þegar hér var komið við sögu hafi ég verið kominn með örlítinn hnút í magann. Þá var ekki slæmt að hafa fastan punkt í tilverunni.

Nálykt á Nordheim

2005-11-15T00:07:00.000-08:00

Já, skeggvöxtur er aðeins eitt af mörgum óæskilegum fyrirbærum sem farin eru að hreiðra um sig á íbúum Nordheim. Miðsvetrarprófin hafa ákveðið að taka okkur í miður skemmtilegt ferðarlag, sem sér ekki fyrir endann á. Fyrirhyggjan er slík, að það eina vistvæna hér inni eru heilu balarnir af klósettrúllum. Enda af nógu að taka þegar kemur að því að þrífa upp eftir sig. En með "lateral buckling" upp á bak munum við samt standa þessar ofsóknir af okkur, og munum að endingu standa eftir sigurreifir.

Nýja lærdómsdúið, samkvæmt tímaritinu "lifðu á lúkkinu"

En alla vega, þessa stundina tökum við flugið vel undir radar.

Meistari Mugison fær að eiga síðasta orðið:

Marie Francis

2005-11-10T01:28:00.000-08:00

Hér skammt frá Nordheim sannast enn eina ferðina hið fornkveðna, sem skrifast: "að baki hverjum miklum manni stendur traust og góð kona". Já, ef að er gáð er Tumi búinn að skipta út hananum fyrir hænu...eða þannig. Það ætti nú ekki að falla skuggi á neinn þó maður hendi því fram að syni sé greinilega í blóð borinn sá hæfileiki föðurs að afla vel, hvað góðan kvenkost varðar.

marie á góðri stund á góðum stað.

það er ekki laust við að um sameiginlegan kæk sé að ræða. Það er góðs viti.

Hér í hinum vestræna heimi tíðkast að huga að skuldbindingu þegar líða tekur á áttundu viku sambands, eða eins kaninn orðar það, octahedral (ísl. eftir átta vikur, þá hittumst við í kirkjunni). Það duga því engir skoskir smápeningar þegar brullaup þeirra skötuhjúa verður fengið staðfest hjá sýslumanni. En þar sem fjölskylda brúðarinnar mun líklega vilja halda í þann vestræna sið að borga brúsann, er óþarfi fyrir skota að taka dýfu.´
Carpachio býður sig hér með fram sem veislustjóri.

Atli gaf lítið fyrir nýja útspil meðleigjanda síns og sagðist lítið hafa sofið síðustu nætur.

Annars er gott að frétta héðan frá Nordheim, próf í uppsiglingu og eins og góður maður hafði eitt sinn á orði, þá notum við okkur erfiðleika síðustu daga sem vind í seglin, og horfum björtum augum á framtíðina, enda framtíðin björt í alla staði.
Lifið heil.

weezer í key arena 26.okt.2005

2005-11-09T00:07:00.000-08:00

Tálgað í viðinn

2005-11-07T21:10:00.000-08:00

Þessa stundina er farið að rjúka úr herbergjum drengjanna á Nordheim. Reykskynjarinn hefur verið aftengdur og nammiskúffan fyllt af hreinum viðbjóði. Já, á líðandi stundu er farið að styttast í miðsvetrarpróf og íbúar Nordheim því miður með buxurnar á hælunum. En af íslenskum sið, þá reddast þetta.

Svona til að koma með framhald af gray shine sjampóinu sem fannst vafið inn í jbs nærföt neðst í kommóðuskúffu, en ekki á glámbekk eins og minni maðurinn hafði á orði, þá er hér lítil saga um næturbrölt sem fram fór ekki alls fyrir löngu hér á Nordheim.

Þannig mun mál með vexti vera að stuttu eftir að stærri átti brýnt erindi í heilsuvörubúð sem kallast Aveda, staðsett hér rétt hjá íbúum Nordheim, þá voru rakin spor drengs með skónúmer 41, og með fangamerkið Diesel.
Þrátt fyrir ítrekuð sönnunargögn, neitaði minni íbúinn á Nordheim staðfastlega, og var jafnvel með hártoganir.

En svo við komum aftur að næturbröltinu, þá vildi svo heppilega til að ekki hafði tekist að tæma alveg úr vatnsbirgðunum fyrr um kvöldið þannig að stærri íbúinn á Nordheim lá svefnlaus í Seattle. Þegar þolinmæðina þraut var ekkert annað í boði en að hreinsa úr pípunum.
Em við það að báðar fætur snerta gólf, heyrast undarlegar drunur hinum megin við vegginn. Sá stærri sprettur á lappir og kippir myndarvélinni með.
Eftir að hafa skotið nokkrar myndir út í svart myrkrið, blindandi og í geðshræringu, var snúið við snöggt og farið að sofa.
Það var ekki fyrr en myndirnar höfðu verið framkallaðar sem hið rétta kom í ljós.
Sá minni hafði þá verið með laumuspil, sem glöggt sést á þessari mynd:

glöggt er gests auga, og sá minni greinilega að þreifa eftir einhverju.

Þegar aðdráttarlinsan hefur gert sína töfra, þá kemur í ljós, að ekki aðeins er maðurinn bakvið skónúmer 41 fundinn, heldur er Scalp Remedy flaskan úr Aveda kominn í leitirnar:

Sá stærri telur máli nr.94 hér með lokið. Verk vel unnið.

Vilhjálmur borgarstjóri

2005-11-05T18:58:00.000-08:00

Engum tíma er eytt í formsatriði hér, þannig að íbúar að Nordheim
vilja óska villta tryllta Villa til hamingju með tilvonandi borgarstjórastól.

Af stuðningsmönnun Gísla Marteins er það að frétta að blaðalausa ræðan
hans í Háskólabíó er enn að vekja mikla undrun og athygli. Menn hafa jafnvel
verið að tala um að helga fyrstu 10 mínútur 1. októbers hvers árs þessum núkölluðu þrekmínútum sem Gísli notaði blaðalausar. Einnig hafa stuðningsmenn um verndun regnskóganna látið uppi mikla ánægju með tiltæki Gísla, þó þeir sjái sér ekki fært að styðja innihald ræðunnar beint, enda enn verið að hljóðrita ræðu Gísla á um átta tungumál.
Þetta er þó aðeins það sem koma skal úr hatti Gísla, því heyrst hefur að hann sé farinn að skeina sér blaðalaust, við mikinn fögnuð stuðningsmanna sinna.

Spurning hvort Villi sé að gefa eitthvað í skyn í sambandi við nýjar áherslur Gísla í borgar- og umhverfismálum??

fuglaflensan

2005-11-04T23:50:00.000-08:00

Kaninn lætur ekki að sér hæða þegar kemur að mikið grín, mikið gaman.
Hrekkjvakan vakti víða mikla lukku, en hér segir frá einum
stjarneðlisfræðingi sem kom klæddur eins og fuglaflensan,
eða klæddur í fiður og með mæli upp í sér og lét rúlla
sér um gólfin í hjólastól. En það fylgir ekki sögunni
hvar mælirinn endaði í lok kvöldsins, en þetta var víst
í boði sem hvítahúsið hélt í boði Bush.

Annars er það að frétta af Nordheim, að Ólafur greifi, gladdi
nærstadda með viðkomu á Bright Eyes tónleikum í kveld og náðu
þeir víst að opna á þriðja auga hans. Hann liggur því andvaka
í nótt því hann veit ekki alveg hvernig á að loka því.

Íbúar Nordheim fóru ekki varhuga af sníkjuferðum sem
tíðkast hérna á hrekkjavökunni, og þar sem lítill áhugi var
fyrir því að láta freknóttar fitubollur ónáða okkur herramennina,
þá tóku íbúar nordheim sig til og límdu nammið á útihurðina.
Það hvarf hljóðlega og fljótlega, og íbúar nordheim settu enn
eitt hakið við verk vel unnið.

Það er samdóma álit okkar að Valley styrkurinn megi vera stoltur af íbúum Nordheim.
Lífið er ekki bara bækur og próf, það er svo miklu miklu meira.

Bateman flakkar um veraldarvefinn á olíubornu kústskafti

2005-11-03T20:38:00.000-08:00

Já, svörin eru oft að finna í upphafinu, og Bateman lætur ekki sitt eftir liggja í þeim efnum. Hann situr sveittur við og fetar ótroðnar slóðir í frumskógi veraldarvefsins. Hann hefur gleymt stund og stað, og rétt gefur sér tíma til að lyfta upp hægri rasskinn til að létta á uppsöfnuðum þrýstingi. En merkilegt nokk, þá hefur fæðst tengill vikunnar:

Sigurros, live í Boston

Stórgóðir tónleikar, sem hægter að hlaða beint heim í betri stofuna, og í anda þess sem koma skal í laugardalnum í Nóv.

Bateman, hafði ekki tíma til að kommenta á landafund sinn, en hann þeysir nú um vefinn á kústskaftinu, og má engan tíma missa.

Ef þetta er ekki myndræn skilgreining á einbeitingu þá má brenna allar orðabækur.

SATISFACTION

2005-11-01T15:47:00.000-08:00

Nú er lokið einu skemmtilegasta Seattle rokk session-i sem maður hefur komist í tær-i við.

Þetta byrjaði allt á Sigurrosartónleikum,
sem komust næst því að vera tær gleði, síðan komu hverjir snilldartónleikarnir á
fætur öðrum, hmm (hvaða tær og fætur eru þetta...).

Sigurros spilaði í óperuhúsinu, Paramount theater
sem hentaði þeim sérdeilis prýðilega. Þeir voru einnig með sitt eigið hljóðkerfi, þannig að upphitunarbandið hljómaði eins og safapressan okkar Óla.

Seinna þá vikuna voru Frans Ferdinand sóttir heim á þennan sama stað. Þeir voru kátir, og maður fór því kátur af þeim tónleikum.

Til að finna sér eitthvað annað að gera en læra um tensora og aðra vitleysu í þrívíðum fræðum, þá var farið á David Grey tónleika í Key Arena. Þeir komu gömlum manni til að hugsa friðsamlega það sem eftir lifði kvölds.

Þann 26.okt var síðan komið að Foo Fighters og Weezer að leiða saman þá kappa Dave Grohl og weezer söngvarann, hmm,hmm. Þarna var einnig um smá typpakeppni að ræða, þar sem Weezer þurftu að spila með titraravörn á hljóðkerfinu. Söngvari Weezer var nördalegur að vanda, en komst vel frá sínu. Foo Fighters, sem byrjuðu einmitt feril sinn hér í Seattle tóku svo við keflinu og skiluðu því langt ofan í kok á áhorfendum. Algjör snilld.

Rokksenan fékk smá hlé meðan Halloween var gert skil, að bandarískum sið. Hér taka menn grímubúninga sína alvarlega og leggja metnað í. Við urðum ekki eftirlegukindur frekar en fyrri daginn, þótt Tumi hafi nú verið nokkuð kindarlegur.

söngvari úr Roxette, sæng og koddi, glysrokk, og indiana jones

Þann 30. okt var síðan komið að því að heiðra eldriborgara. 20,000 manns saman komin í Key Arena til að bera augum Rolling Stones. til að kynda upp í húsinu voru fengnir Motley Crue. Tumi varpaði þeirri spurningu spekingslega fram, hvort þetta væri ekki eina semi-fræga rokksveitin þar sem eini þekkti meðlimurinn er trommuleikarinn, eða Tommy (pamelu) Lee. Óli var á öðru máli og þuldi upp nafn söngvarans og fjölskyldu, langt aftur í miðaldir.... Ég ber við hlutleysi.

Fyrir utan tónleikana voru veðbankar að meta það hvort einhver af rokklingunum myndi enda á bakinu með hjartabilun, en hræðsluáróður bandaríkjanna nær lengra en til hryðjuverka.

Eftir upphitun þeirra Tommy Lee og félaga, var eldri borgurum rúllað inn í salinn. Það er fáum blöðum flétt til að komast að þeirri niðurstöðu að rokklingarnir eru enn bæði vel girtir og tenntir. Að endingu höfðu þeir náð að koma fleira fólki upp úr hjólastólunum en sjálfur Benny Hinn.

En Þrátt fyrir allar hrakspár stóðu þessir tónleikar uppi sem mesti gleðigjafi rokksenunnar 2005 í Seattle.

Videóvélin var tekin með og eftir að stelpuskrækirnir í okkur hafa verið klipptir út, munu þau birtast á þessari síðu.

Dragið því ekki á langinn að anda.

Hver ert þú ?

2005-10-28T23:04:00.000-07:00

Kallinn á leiðinni í skólann...

...............eða Halloween

Veit reyndar ekki alveg hvað ég er. Vona að enginn spyrji.

Nýji bíllinn

2005-10-26T00:53:00.000-07:00

Þetta er nýji bílinn okkar....

ásamt stoltum eigendum...

H-JÓL

2005-10-19T20:00:00.000-07:00

Loftið hérna í Seattle skiptir ekki oft um dvalarstað, en þrátt fyrir það leika hlýjir vindar um hárfagrann meistarann þennan daginn. Ástæðuna má rekja til þess að meistarinn er kominn í amerískt jólaskap. En eftir að hafa séð stúlkukind úr og í jólasveinabúning í gærkveldi, rauk meistarinn út og kom heim með nýtt hjól. Jamm, það er nú bara þannig.

Nú sleppur maður við hárblásturinn á morgnana, og lætur móðir náttúru, ásamt þeim títtnefnda manni sem fann upp blessað hjólið, um kraftaverkin.
Sannarlega tími til að líta um öxl, og skilja aumingjana eftir í rykinu.

Hárnæring fyrir gamlan ref

2005-10-17T11:53:00.000-07:00

Fyrir tveim dögum kom Geiri heim með fullan poka af hársnyrtivörum. Hann hafði farið í sömu búð og seldi honum andlitskrem (fyrir karlmenn !?) því þeir selja svo góðar náttúruvörur. Hann sagði mér stoltur að afgreiðslustúlkan hefði látið hann setjast og þreifað á hári hans vel og lengi. Hún hafði víst uppi fögur orð um hárprýði hans og lét hann síðan hafa sjampó og hárnæringu sem voru akkúrat það besta fyrir hans hárgerð.
Geiri var að vonum hæstánægður með þetta allt saman. Ég vona að það hafi ekki skemmt gleðina fyrir honum þegar ég benti honum á að bæði á sjampóinu og hárnæringunni stóð skýrum stöfum: Brightens grey hair.

Er eitthvað farið að grána hjá þessum gamla ref ?

Beygluskeri og reykvél

2005-10-15T15:16:00.000-07:00

Beygluskeri hefur bæst við fjölskylduna hérna á Nordheim. Já velkomin á 21. öldina. Óli getur því tekið gleði sína á ný. Nú er bara að kaupa beyglur, og láta fallöxina vaða. Þetta er nú samt bara einn hlutur af fjöldamörgum sem nauðsynlegir eru hér í landi vonar, já og ótta. Þannig að enn er langt í land.
Nú er verið að plana ferð í afmælið hennar Helgu, en við höfum ákveðið að gefa henni reykvél. Svona til að ná upp betri stemmningu á Halló-vín sem verður í lok Október. Einnig langar okkur að sjá hvernig hún virkar, ef við skildum vilja eignast svona grip. Gott að grípa í svona tæki ef maður er þannig stemmdur, ja eða einn heima að hlusta á Duran Duran.
Skólinn lætur ekki bíða eftir sér frekar en flest annað, fyrir utan mig kannski, þannig að Nordheim fjölskyldan sér fram á stífan og strangheiðarlegan lestur næstu daga. Mörg og fjölmörg markmið búin að fæðast í dag, svona svipað og þegar maður vaknar þunnur og með tómt veskið. Þannig að framtíðin verður að leiða fram í ljósið hvort við hysjum upp um okkur eða hvort pistillinn í næstu viku verði þessi endurfluttur.

Annars bið ég ykkur bara vel að lifa, enda ekkert annað í boði, ef að er gáð.

Queer eye for Geira

2005-10-13T12:58:00.000-07:00

Þegar ég ákvað að fara að búa með Geira, sem er tveggja metra rumur, vissi ég að því gætu fylgt ýmsar uppákomur. Ég átti allt eins von á því að hann myndi nota handklæðin mín fyrir þvottapoka eða júdóbeltið fyrir tannþráð. Ég hafði rangt fyrir mér. Geiri er nefnilega afar áhugasamur um lífstíl nútímamannsins. Hann borðar bara lífrænt ræktað grænmeti, hann borðar ekki hvít hrísgrjón og drekkur bara soja mjólk. Hann stundar pílates og drekkur grænt te.
Allt er þetta gott og blessað, ég er búinn að læra mikið af sambúðinni og er sammála flestu sem þessi tröllvaxni snyrtipinni segir. Það er líka ekki annað hægt en að dást að manni sem nennir að gera sérstaka ferð í annan bæjarhluta til að kaupa betri mjólk og lífrænt ræktað snakk.
Aðal ástæða þessa pistils er þó að greina frá innkaupaferð sem við Geiri fórum í um daginn. Tilgangur ferðarinnar var að festa kaup á sófa. Þegar á áfangastað var komið, kom í ljós að um var að ræða bílskúrssölu þar sem ýmislegt var á boðsstólum. Okkar maður var ekki lengi að koma auga á helsta djásnið sem í boði var og eftir það var ekki aftur snúið. Borð og stólar, sem höfðu gengið frá móður konunnar til hennar og frá henni til dætra hennar, var komið í okkar eigu, áður en ég fékk rönd við reist. Í gær fór síðan innanhúsarkítekt heimilisins aftur á stúfana og má segja að nú sé myndin fullkomnuð.

"Pink is the new green" ÁÖH 2005

Bleikir stólar, bleikar diskamottur, standur fyrir rör

2005-10-13T01:10:00.000-07:00

Jæja, þá er komið að því. Nú verður slegið á amerísku stefnumóti. Nágranninn var króaður af og nú þarf að bretta upp á og nota þessi einnota áhöld sem voru keypt í vörumarkaðnum. Smá bakslag áðan, sem endaði þó vel. Rauk út með sveðjuna í leit að æti, en hitti þá fyrir dömuna, og eftir spennuþrungnar umræður, hafði ég öðlast þá vitneskju að hún er græn frá a til z.
Sveðjan er því komin aftur inn í byssuskápinn, (en hér fylgir byssuskápur öllum íbúðum) eldhúsið orðið fullt af dósamat, og maður farinn að berjast um súrefni við alls kyns lífrænan gróður. Þess má kannski geta, að það eina græna og lífræna, sem ég hefði getað boðið henni upp á, er sveppagróðurinn sem hefur haft sumar- og haustsetu inni á baði hjá okkur. Þar hefur ekki stígið fæti inn ein aum sápukúla síðan fætur okkar Óla námu þar land. En Mr. shine var í innkaupapokanum, þannig að nú kemur gott grænt inn fyrir vont. Out with the bad, in with the good.

Það hefur verið ofarlega á lista hjá okkur Óla að fela með einhverju móti, þetta svokallaða eldhúsborð, sem leit alls ekki svona illa út í dimmum bílskúrnum á sínum tíma. En að vísu var rúsína í þeim pylsuenda, 6 bleikir stólar. Bleiki liturinn er þó aðeins farinn að ryðga, og skíturinn gefur þessu dulinn blæ. Blettirnir eiga það líka til að dreifa athyglinni, eða hreinlega dreifa fólki.
Ég sló því þrjú högg áðan, keypti svartan dúk yfir ósköpin, fjórar bleikar diskamottur í stíl við
stólana, og rörastand. Sjón er sögu ríkari.

I might be on to something, but what?

Ab - toning

2005-10-11T10:59:00.000-07:00

Jæja, dagur tvö í ruglinu. Cancelinn samur við sig og rétt fyrir háttatíma í gær fór af stað leikþáttur, þar sem hann fór að kvarta yfir verk í einu rifsberinu. Var að krúttast eitthvað á júdóæfingu um daginn og lagðist undir, og yfir, makkarónumeistarann, þannig að small í rifbeini. Hann fékk sem sagt vottorð í leikfimi þennan daginn.
Maður þurfti því að taka á honum stóra sínum og mæta einn síns liðs og að sjálfsögðu 15 mín of seint. (nema hvað, þessi tími er bara 30 mín, þannig að eitthvað verður að skrúfa þennan tímamismun niður). Þegar ég mætti, þá fór um mann hálfgerður kjánahrollur, en það voru fleiri í þessum tíma en í gær, en samt færri strákar. Einnig voru æfingarnar allar framkvæmdar á uppblásinni blöðru, þannig að maður svitnaði meira af skömm en erfiði. Þar sem þjáninginn tók aðeins 15 mín, fór ég í körfu á eftir til að reyna að bjarga þeim litla snefil á sjálfsvirðingu sem eftir var.

Sleppi-glæpur

2005-10-10T16:23:00.000-07:00

Að sjálfsögðu er búið að taka þetta pilates dæmi skrefinu lengra, en "Ab Toning" byrjar í fyrramálið. Það verður fróðlegt að sjá hvort cancelinn haldi þetta út. Þetta er spurning um að líta vel út, þó maður falli.

Maður þurfti að vera á tánum í morgunsárið þar sem cancelinn reyndi að fremja "sleppi glæp" og drap á vekjaranum, með það á tæru að gamli myndi ekki rumska fyrr en reddarinn í blokkinni færi af stað með varavekjarann, að þyrla upp laufblöðum hérna fyrir utan gluggan, stundvíslega klukkan 10.00. En yfirverkfræðingurinn var við öllu búinn, og cancellinn var rekinn á lappir með svívirðingum og fortölum, alveg steinhissa á að sjá yfirverkfræðinginn í pilates gallanum með nýpressaða ávexti og engifer í glasi.

Það er óhætt að segja að Cancel var brugðið.

Vorum síðan mættir 15 mín of seint, að sjálfsögðu, þar sem yfirverkfræðingurinn var á klukkunni.

Talandi um "sleppi glæp", þá gerðist sá óskemmtilegi atburður að eini karlmaðurinn í tímanum, fyrir utan cancel og mig, átti í erfiðleikum með þessar kvenlegu hreyfingar. Hann gleymdi sér eitt augnablik í miðjum pilates látunum og hleypti út á röngum stað, og fuglarnir tóku undir. (Hefur greinilega verið að laumast í orkustykki rétt fyrir tímann). Hann höndlaði þetta ekki betur en svo að hann brást við með hysterískum hlátri, og án þess að ég næði að átta mig á aðstæðum, var sökin orðin mín, þar sem ég var næst honum og án þess að fatta það kominn með einhvern hálfsjálfvirkan vandræðissvip á mig.

Hann reyndi svo að afsaka sig þegar tíminn var búinn, laumaðist upp að mér og sagðist hafa verið í pilates í 3 ár en aldrei hafa lent í svona erfiðum tíma. Svei á hann.

Pilates

2005-10-10T10:34:00.000-07:00

Jæja þá er maður búinn í fyrsta pilates tímanum. Helvíti hressandi að vakna eldsnemma á mánudagsmorgni og drulla sér út í svona vitleysu. Ég var með smá efasemdir um réttmæti þess að fara á pilates æfingu. Ekki leið mér nú betur með þetta þegar ég sá svipinn á gaurnum í afgreiðslunni þegar gamall og stirður geira-refur spurði í hvaða sal pilatesæfingin væri. Það var mjög augljóst að þessi týpíski ameríski jockey gaur átti ekki von á því að neinir aðrir en kerlingar mættu í þetta, ég skil hann mjög vel.
Ég náði samt að smella einni mynd á æfingunni.

Einn í kotinu

2005-10-07T22:51:00.000-07:00

Jæja þá er maður bara einn hérna í Nordheim Court.
Eins og greint var frá á skemmtilegan hátt í blogginu hér á undan var ferðinni heitið í '' Þýska '' bæinn Levensworth. Þegar til kastanna kom ákvað ég beila á ferðinni. Í staðinn er ég bara chilling with the homies eins og við köllum það hér í U.S of A.
Megin ástæða beilsins er sú að síðustu dagar hafa verið frekar massífir í lærdómnum og ákvað ég því einfaldlega að skríða inn í skelina og slappa af. Frekar lélegt, ég veit, enda ekki á hverjum degi sem það býðst vel skipulagt stuð í góðum hópi. Á móti kemur hins vegar að þegar strákarnir koma aftur til baka á morgunn verð ég tvíefldur og mun geta dregið partývagninn alveg fram undir rauðan morgun (kl 2 þegar allt lokar). Það mun ekki veita af, því ég veit að Tumi er enn alveg búinn á því eftir Tracy Chapman (?!?) tónleikana sem hann fór á í gær, Atli er alltaf þreyttur, enda ekkert grín að burðast um með svona svakalegan kúlurass og svo er Geiri náttúrulega bara gamall refur sem þarf sinn svefn.

Óla snýst hugur

2005-10-06T23:53:00.000-07:00

Já, Ólafur Baldurs, eða óli cancel, hefur ákveðið að sitja á hnakk sínum þessa helgina, og
hefur látið eftirfarandi orð falla vegna fyrirhugaðrar Levenworth helgar.
"Ég fer hvergi",
já svo mörg voru þau orð, en óli undirbýr nú danska daga sem haldnir verða á þvottardaginn. Hann vendir kvæði sínu í kross, fer af bakinu og lætur við sitja.

Heyrst hefur að þýskir dagar komi hugsanlega til Óla á laugardaginn og slái þar saman grimm og andersen.....

Amerígunnar mun hafa tekið dífu þegar ráðabrugg Óla spurðist út, drekkur nú eigin svita, við að halda bókhaldinu frá skattinum.

Góða helgi.

Nánir vinir

2005-10-05T00:14:00.000-07:00

augnkontakt að hætti hússins, hér er barist
án sverða.

tumi fer á fætur við fyrsta hanagal

, en Dr. A er ekki langt undan og fagnar eftir
að hafa leyst vind.

Wesley Snipes í San Francisco!!!!

2005-10-05T00:03:00.000-07:00

Blade III hefur greinilega ekki gengið nógu vel. Við sáum Snipes vera að vinna sér inn aukapening í San Francisco. Það var greinilegt að kappinn hefur engu gleymt....

Nýársdansleikur

2005-10-04T23:33:00.000-07:00

Hellt verðu í glösin um nónbil, og haldið til streitu að miðaftansöng.
Félagsmenn eru beðnir um að koma með desert í fljótandi formi.
Nefndarmenn munu sjá um að allt fari hljóðlega fram, þar til slegið
hefur út.

Borð fyrir tvo munu síðan styðja fólk yfir þröskuldinn.